بالفيديو …. أجت 2014 .. ملحمة فلسطينية.. تحمل وجعاً مفزعا وحزنا متراكما
اجت 2014
ولسا الاستيطان يزيد
وع الجبل بيوت القرميد
والقدس الحرة والاقصى
كـــل لحظة فيها تهويد
اجت 2014
ولسا شعبي منقسمين
فـــــتحاوي وحمساويين
خــضرة او صــفرة رايتنا
ونـــسينا علم فلسطين
اجت 2014
عم نمشي بالعكس رجوع
صوتي وصوتك مش مسموع
وشــعبي باليرموك محاصر
أطفآل مــاتو من الــجـــوع
اجت 2014
والأسرى حآلتهم صعبة
بزيدوآ من يوم النَكبة
وبكل أسرة بتلقى أسرى
الله يكون بعونك شَعبي
اجت 2014
ولسآ بنوقف ع المحصوم
والجندي يفتش الهدوم
من ال 48
شعبي بعآني كل يوم
اجت 2014
ولسآ بنفآوض ع الفآضي
مآ تعلمنآ الدرس المآضي
كيف نحقق إنجازآت
والسيف العَربي مش مآضي
اجت 2014
سيدي عبد الله بستنى
هو وجآره الخوري حنآ
يعودوآ على حيفآ وعلى يافآ
وعلى بيسآن وكفر كنآ
أجت 2014
ولسآ مآ عنآ مطآر
ولآ طيآرة ولآ طيآر
واسرآئيل بتهتف إنهآ
بتسرق وبتضم الاغوآر
أجت 2014
لسآ الصَهيوني بيتآمر
والاستيطآن بيتكآثر
وشعبي الي بالنقب بيهتف
مش ممكن يمر برآفر
أجت 2014
ولساتنآ بنرفع رايآت
وبنغني للتنظيمآت
والوحدة الوطنية صآرت
هتافآت وشعارآت
أجت 2014
الطآلب لمآ يتخرج
على حآلو بيقعد يتفَرج
والعآمل قآعد بداره
لآ في مصنع ولآ في منتج
أجت 2014
وحآلة الموظف حآلة
بحلم بالصرآف الآلي
هَمو كيف يطعمي عيآله
وكل شي بوطَني سعره غآلي
أجت 2014
الشعب العربي محتآر
مين اللي يسمي الختيآر
8 سنين وغريمك مخفي
سامحنآ يآ ابو عمآر
يآ ريت الدنيآ بتتبدل
وعمرك طول بَس شوية
يآ ريت الدنيآ بتتغير
وعمرك طَول بَس شوية
كآن الحآل إلي وصلنآ له
عَكسي بهالدنيآ العكسية
لو تدري شو بعدك صآير
يآ رمز الثورة العربية
تقسمنآ وصاروآ يقولوآ
غزآوية وضفآوية
تقسمنآ وصاروآ يقولوآ
فتحآوية وحمسآوية
تقسمنآ وصاروآ يقولوآ
جهآد وجَبهة شعبية
صَآر اللي مآ بسوى صَندل
يتطآول على الكوفية
أجت 2014
وشيوخ الدعوة بالحارة
خلو امتنا محـــــتارة
مـختلفين انو الـــمرأة هل
مسموح تسوق السيارة
أجت 2014
الأمريكي وصل المريخ
واحنآ أبدعنآ في الطَبيخ
والإنجآز العربي الأول
أكبر منسف في التآريخ
أجت 2014
والوضع السوري منهآر
ضرب وذبح وقتل ونآر
ضآعت سوريآ مآ بين
الجيش الحر وبشآر
أجت 2014
بغداد تكبر تــكبير
كل سآعة بيحصل تفجير
واليمن وتونس وليبيآ
شو اللي عم يجرى ويصير
أجت 2014
والسودآن مقسم ضآيع
وبالبَحرين بيغلي الشآرع
وفي لبنآن التفجيرآت
والشَعب الصومآلي جآئع
أجت 2014
ولـــسا القــصــة زي ما هـي
في دولة مـــــــصر الـــعربية
ناس بتهتف عــاش السيسي
وناس بتهتف مرسي الشرعية
اجت 2014
والصَهيوني قآعد متهني
نتفرق أكثر مستني
وإحنآ لسآ مسيحي ومسلم
كردي ودرزي وشيعي وسني
اجت 2014
شآدي وقآسم ممنوعين
يزوروآ ال 48
والجاليآت العربية
نغني فيهآ مرفوضين
بدنآ نحكي ومآ في عيب
معروفة القصة عَن غيب
التهمة أنو غنينآ اضرب اضرب تَل أبيب
يرجى ملاحظة أن جميع المواد المعروضة في “موقع فلسطينيو قبرص” محمية بحقوق الطبع والنشر وقوانين الألفية الرقمية لحماية البيانات.
